Entzumenaren falta edo galeraren ondorioz ahozko hizkuntza espontaneoki eskuratu ezin duen pertsona da. Hori dela eta hizkuntza ikasteko teknika bereziak behar ditu.
Hezkuntza ekimen bereziak behar dituen ikasle talde heterogeneo bat da, entzumen motagatik eta mailagatik bakarrik ez, baita ere urritasun horrek euren hezkuntza prozesuan, harreman sozialetan, eta garapen pertsonalean, duen eraginagatik.
Ezaugarri aipagarriena zera da: soinu pertzepziorik ez edukitzea. Honetatik aparte eta, batez ere, hezkuntza erantzuna ez bada ume hauekiko egokitzen, ezaugarri bereziak izan ditzakete zenbait arlotan, besteak beste:
- INTELIGENTZIAN: haur gorrek eta entzumena duten haurrek, Piagetek deskribatutako estadio berdinak igarotzen dituzte, baina denboran desfasea erakusten dute, eta desfase hau areagotu egiten da pentsamendu hipotetiko-deduktiboan.
- IKASKUNTZAN: haur gorrek ahozko eta idatzizko komunikazioan dituzten arazoak direla eta, informazioarako sarbidean mugak aurkezten dituzte. Ondorioz, ikaskuntza prozesuak moteldu egiten dira. Jokabidearen autoerregulazio eta plangintzan, hizkuntzak duen eraginaren ondorioz, haur gorrek zailtasunak dituze arlo horretan.
- GARAPEN SOZIO-AFEKTIBOAN: ahozko komunikazio zailtasunek egoera askotan frustrazio egoera bat eragiten dute, honek, epe luzera pertsona gorraren nortasuna egituratu edo aldatu dezake. Hautematen ez dituzten arrisku egoeren aurrean euren burua babesteko eta erantzunak aurreratzeko zailtasunen ondorioz segurtasun falta ere izan dezakete ume hauek.
0 comentarios:
Publicar un comentario